Нийслэлийн Бизнес, инновацын газраас Улаанбаатар хотод тулгамдаж буй асуудлуудыг шийдвэрлэх шинэ санаа, бүтээлч шийдлийг илрүүлэх стартап компани шалгаруулах тэмцээн зохион байгуулах гэж байна. Тэмцээнээс шалгарсан шилдэг төслийг нэг жил хүртэлх хугацаанд Нийслэлийн өмчийн нэгдүгээр байр /Соёлын төв өргөө, Г-корпус 11 давхар/ хурдасгуур хөтөлбөрт хамруулах юм.
Төслийн 1-р шат – Төслийн материал хүлээж авах /2025.10.31-ний өдрийг хүртэл/
Төслийн материалыг онлайн формоор, бизнес моделийг PPT форматаар хүлээн авч, эхний шатны шалгаруулалтад шалгарсан багуудад мэдээлэл хүргэнэ.
Төслийн 2-р шат – Шилдэг төслүүдийг шалгаруулах /2025.11.07-нд/
Эцсийн шатны шалгаруулалтыг Нийслэлийн Нийслэлийн өмчийн нэгдүгээр байр /Соёлын төв өргөө, Г-корпус, 11 давхар/ зохион байгуулах бөгөөд тэнцсэн багууд төслөө таван минутад багтаан танилцуулж, шүүгчдийн асуултад хариулна.
Стартап дэмжих хөтөлбөр дараах боломжийг олгoно:
- Гаалийн болон Нэмэгдсэн өртгийн албан татварын хөнгөлөлт;
- Сургалт, зөвлөх үйлчилгээ үзүүлэх;
- Маркетинг, сурталчилгааны дэмжлэг үзүүлэх;
- Үзэсгэлэн, арга хэмжээнд оролцуулах;
- Интернэт, халаалт, ус цахилгаан, цэвэрлэгээ үйлчилгээ бүхий ажлын оффисоор хангах;
- Төсөл болон үйл ажиллагаатай холбоотой асуудлаар бусад төрийн байгууллагатай холбох;
- Сан, грант, зээл, хөрөнгө оруулалтын чиглэлийн тэмцээн, сонгон шалгаруулалт, боломжуудын мэдээллээр хангах;
Шалгуур үзүүлэлт:
- Хотын асуудлыг шийдвэрлэж байгаа эсэх
- Бизнес модель
- Инновацлаг байдал
- Хэрэгжих боломжтой эсэх
- Байгуулагдаад 5-аас дээш жил болоогүй байх
Хамрах хүрээ:
Гарааны компани, энтрепренерүүд
Бүрдүүлэх материал:
- Компанийн улсын бүртгэлийн гэрчилгээний хуулбар;
- Шинэлэг, шийдэл бүхий төслийн танилцуулга болон компанийн танилцуулгыг PPT форматаар ирүүлэх;
Бүртгүүлэх холбоос:
Холбоо барих утас: 70111291, 95808060
НИЙСЛЭЛИЙН БИЗНЕС ИННОВАЦЫН ГАЗАР
