Онцгой байдлын ерөнхий газрын дэргэдэх Гамшиг судлалын үндэсний хүрээлэнгийн Эрдмийн зөвлөлийн ээлжит хуралдаан өнөөдөр боллоо.
Хурлаар эрдмийн зөвлөлийн гишүүдэд тус хүрээлэнгээс гүйцэтгэсэн Гамшиг судлал, инновац сэтгүүлийн 2025№2(14) дугаар, сум, багийн удирдлага болон малчдад зориулсан “Малчин өрхийн түвшинд зудын эрсдэлийг даван туулах чадавхыг үнэлэх гарын авлага”-ыг танилцуулсан юм.
Мөн “Онцгой байдлын байгууллагын алба хаагчдын эрүүл мэндийн үзлэгийн үр дүнд хийсэн шинжилгээ”, “Ерөнхий боловсролын сургуулийн гамшигт тэсвэртэй байдлыг RISE TOOL аргаар үнэлэх нь” зэрэг 6 судалгааны ажлыг хэлэлцлээ.
