“Си И Си Ая ассет ван ТЗК” ХХК-ийн олон нийтэд санал болгон гаргаж буй хөрөнгөөр баталгаажсан үнэт цаасны анхдагч зах зээлийн арилжааны цан цохих ёслол өнөөдөр боллоо. Цан цохих ёслолын арга хэмжээнд Санхүүгийн зохицуулах хорооны Үнэт цаасны газрын дарга Б.Дөлгөөн, “Улаанбаатар үнэт цаасны бирж” ХК-ийн гүйцэтгэх захирал М.Даваажаргал, “Си И Си инвестмент ББСБ” ХХК-ийн төлөөлөн удирдах зөвлөлийн дарга Х.Гиймаа, “Ти Ди Би секьюритис ҮЦК” ХХК-ийн гүйцэтгэх захирал С.Батчимэг болон холбогдох бусад хүмүүс оролцов. Тус компани олон нийтэд зориулан 24 сарын хугацаатай, жилийн 18.0 хувийн өгөөжтэй, нэг бүр нь 100,000 төгрөгийн нэрлэсэн үнэ бүхий 30,000 ширхэг, 3.0 тэрбум төгрөгийн үнийн дүн бүхий хөрөнгөөр баталгаажсан үнэт цаасыг санал болгон гаргаж байна.
Үнэт цаасны анхдагч зах зээлийн арилжааг эхлүүлж цан цохилоо
