Монгол Улсын санхүүгийн тогтвортой байдлыг хангах, санхүүгийн зах зээлийг хөгжүүлэх замаар улс орны эдийн засгийн хөгжлийг дэмжихэд иргэдийн санхүүгийн мэдлэг боловсрол, оролцоо чухал үүрэгтэй. Ийм ч учраас Санхүүгийн зохицуулах хороо иргэд, олон нийтэд санхүүгийн боловсрол олгох, мэдлэг түгээх сургалт хэлэлцүүлгийг тогтмол зохион байгуулсаар байна. Энэ хүрээнд “Монголын хөрөнгийн бирж” ХК, “Үнэт цаасны төвлөрсөн хадгаламжийн төв” ХХК болон Монголын үнэт цаасны арилжаа эрхлэгчдийн холбоотой хамтран “Хөрөнгийн зах зээл ба 1072 хувьцаа” үнэт цаасны зах зээлийн нээлттэй өдөрлөгийг Сэлэнгэ, Дархан-Уул, Орхон, Булган, Хөвсгөл аймагт зохион байгууллаа.
Өдөрлөгөөр санхүүгийн залилан, луйврыг таньж, түүнээс урьдчилан сэргийлэх, хөрөнгийн зах зээлийн үндсэн ойлголтын талаар сургалт зохион байгуулсан бөгөөд 5 аймгийн нийт 1800 орчим иргэд, олон нийт идэвхтэй оролцож, санхүүгийн эрсдэлээс хамгаалах, хөрөнгийн зах зээлийн талаарх мэдлэг, ур чадварыг олж авлаа.
