ОБЕГ-ын дэд дарга, хурандаа Ц.Уранчимэг “People in Need” олон улсын байгууллагын Монгол дахь суурин төлөөлөгч, хатагтай Тришиа Төрболдыг хүлээн авч уулзлаа.
Уулзалтаар талууд гамшгийн эрсдэлийг бууруулах, ой, хээрийн түймрээс урьдчилан сэргийлэх чиглэлээр хамтын ажиллагаагаа өргөжүүлэх боломжийн талаар санал солилцож, өмнө хэрэгжсэн төслийн үр дүнг үнэлэх хамтарсан судалгааны ажлыг хийхээр тохиролцсон юм.
Мөн эрт зарлан мэдээлэх систем болон гамшгийн эрсдэлийг бууруулах чиглэлд шаардлагатай санхүүжилтийн шинэ механизмыг танилцуулж, цаашдын хамтын ажиллагааны хүрээнд хэрэгжүүлэх боломжуудыг хэлэлцлээ.
