Мэндчилгээ
Монгол Улсад даатгалын салбар үүсч хөгжсөний 91 жилийн ой, “Даатгалын өдөр”-ийн мэндийг нийт салбарын хамт олон, ажилтан, албан хаагчид, мэргэжлийн холбоод, эрхэм хүндэт даатгуулагч та бүхэндээ хүргэе.
Манай улсад даатгалын салбар 1934 онд “Улсын аюулаас хамгаалах газар” нэртэйгээр байгуулагдсан бөгөөд 1936 онд үйлдвэр, аж ахуй өмч хөрөнгийн даатгалыг бий болгож, 1943-1946 ондуудад ажилчин, албан хаагчдын амь нас, иргэдийн хашаа байшин, амь нас, эрүүл мэндийг даатгаж эхэлснээр даатгалын олон төрөл хэлбэрт шилжиж улмаар нийгмийн хамгааллын чухал салбар болон хөгжиж, бэхжиж өргөжсөн амжилттайгаар 91 жилийн ойтойгоо золгож байна.
Монгол Улсад даатгалын салбарыг үүсч, хөгжиж, бэхжих үйлст залуу нас, мэдлэг боловсрол, хөдөлмөр үйлсээ зориулсан салбарын ахмадууд, дунд үеийн мэргэжилтэн, залуу үеийн даатгалын ажилтан албан хаагчид, салбарын хөгжилд хувь нэмрээ оруулж буй мэргэжлийн холбоодын хамт олон Та бүхэнд талархал илэрхийлье. Даатгалын салбар ил тод, нээлттэй, шуурхай, иргэдийнхээ хэрэгцээ шаардлагыг мэдэрсэн шинэлэг байдлаар хөгжлөө түүчээлэх болтугай.
Хүндэтгэсэн
САНХҮҮГИЙН ЗОХИЦУУЛАХ ХОРООНЫ ДАРГА Т. ЖАМБААЖАМЦ
