“ЧӨЛӨӨЛЬЕ” санаачилга, “МОНГОЛ ХҮҮХЭД, ЗАЛУУСЫГ УР ЧАДВАРЫН ХОЦРОГДЛООС ЧӨЛӨӨЛЬЕ 2026-2028” цогц арга хэмжээний хүрээнд мэргэжлийн болон техникийн боловсрол, сургалтын чиглэлээр Боловсролын яам, мэргэжлийн холбоод, төрийн бус байгууллагууд санамж бичиг байгууллаа.
Олон улсад хүлээн зөвшөөрөгдсөн Хосмог сургалтын хэлбэрийг үндэсний хэмжээнд нутагшуулж, эрх зүйн орчныг бүрдүүлнэ.
Мөн Германы олон улсын хамтын ажиллагааны нийгэмлэгийн (GIZ) “Түншлэлд суурилсан техникийн болон мэргэжлийн боловсрол, сургалт II” төслийн оролцоог хангах, Менежментийн хороо болон ажлын албыг байгуулахаар шийдвэрлэлээ.
Монголын техникийн болон мэргэжлийн боловсролын сургуулиудын консорциум болон МҮХАҮТ-ын зүгээс насан туршийн суралцахуй, олон улсын ур чадвар, дижитал шилжилт, төр-хувийн хэвшлийн түншлэлийг дэмжсэн, хөдөлмөрийн зах зээлийн эрэлтэд нийцсэн ур чадварын тогтолцоог хөгжүүлэхэд голлон анхаарах юм.
