Засгийн газрын өнөөдрийн /2026.07.29/ хуралдаанаар хэлэлцэн шийдвэрлэсэн асуудлын талаар холбогдох албан тушаалтнууд мэдээлэл өглөө.
Нийслэлийн засаг дарга бөгөөд Улаанбаатар хотын захирагч Б.Пүрэвдагва:
2026–2027 оны хичээлийн шинэ жилийн бэлтгэл ажлын хүрээнд хүүхдэд ээлтэй орчин бүрдүүлэхээр ажиллаж байна. 1-6-р ангийн хүүхдүүдээ сургуульд нь хүргэж өгөхийн тулд замын хөдөлгөөнд 150000 машин оролцож байна. Иймд хүн амын нягтаршил ихтэй байшин хорооллуудад “Хотхоны бага сургууль” байгуулна.
Сургууль цэцэрлэгийн засварын ажлыг наймдугаар сарын 15-ны дотор бүрэн дуусгана. Сургуулийн автобусны үйлчилгээг сайжруулж 1-6 дугаар ангийн сурагчдыг сургуулийн автобусаар зөөнө.
