Цахим ертөнцийн олимп гэж нэрлэгддэг хамгийн нэр хүндтэй тэмцээн болох “Esports World Cup-2026” тэмцээн өнөөдөр Францын Парис хотод эхэлнэ. Тэмцээний үндсэн шат Paris Expo Porte de Versailles-д болох бол харин аваргын төлөөх тоглолт Accor Arena-д болно.
Нийт хоёр сая ам.долларын шагналын сантай тус тэмцээнд дэлхийн шилдэг 32 баг дөрвөн хэсэгт хуваагдан цомын төлөө өрсөлдөнө. “The MongolZ” баг энэ жилийн тэмцээнд дэлхийн чансааны оноогоор уригдан тоглож байна. Хэсгийн тоглолтууд өнөө шөнө эхэлнэ.
“The MongolZ” баг D хэсэгт Европын “magic”, Францын “3DMAX”, Украины “NAVI”, Аргентины “9z”, Бразилын “paiN”, “FURIA”, АНУ-ын “Wildcard” гэсэн багуудтай багтлаа. Хэсэгтээ хоёр тоглолт дараалан хожил байгуулбал Playoffs буюу шөвгийн 16 шатанд шалгарна.
Манай залуус өнөөдөр Европын “magic” багтай Во1 журмаар тоглоно. Тоглолт Улаанбаатарын цагаар 20:00-с эхэлнэ.
Өмнөх хоёр жил Саудын Арабын Эр-Рияд хотод зохион байгуулагдсан тус тэмцээн энэ жил Франц улсад болж байна. The MongolZ баг энэ тэмцээний 2025 оны аваргаар шалгарч байсан юм.
