Сураггүй алга болсон 10 настай эмэгтэй хүүхдийг эрэн хайх ажиллагаа 11 дэх өдрөө үргэлжилж байна. Эрэн хайх ажилд Онцгой байдал, Цагдаа, Цэргийн анги, сумын мэргэжлийн анги болон ар гэрийн төлөөлөл тасралтгүй ажиллаж байна.
Эрэл хайгуулын бүсийг тэлэх, эрэн хайх ажиллагааны эрчмийг нэмэгдүүлэх зорилгоор сумын нийт иргэдийг сайн дураар эрлийн ажиллагаанд оролцож, тус дэм болохыг уриалжээ. Эрэн хайх ажиллагаанд оролцохыг хүсвэл Сумын Шуурхай штабын байранд ирж бүртгүүлэх аж.
Мөн биечлэн оролцох боломжгүй иргэд хашаа, саравч, агуулах, худаг, ойр орчмынхоо эзэнгүй болон сэжигтэй газруудыг сайтар нягталж шалган туслахыг хүсчээ.
