БСШУ-ны сайд асан Ё.Отгонбаяр эхнэрийнхээ Хөгжлийн банкнаас авсан зээлтэй холбоотой мэдээллийг олон нийтэд хүргэсэн сэтгүүлчдэд бухимдаж буйгаа албан ёсны твиттер хуудсаараа илэрхийлсэн нь ёс зүйгүй үйлдэл хэмээн нэр бүхий сэтгүүлчид мэдээлэл хийж хуулийн байгууллагад хандахаа мэдэгдсэн юм.
Тэгвэл МАН-ын ЕНБД Д.Амарбаясгалан цахим хуудсаар дамжуулан Ё.Отгонбаярыг МАН-ын даргын зөвлөхийн албан тушаалаас чөлөөлж буйгаа илэрхийлсэн юм. Тэрбээр “МАН ёс зүй, хариуцлага алдсан албан тушаалтнуудтай улс төрийн хариуцлага тооцох бодлогынхоо дагуу Ё.Отгонбаярт хариуцлага тооцож, МАН-ын даргын зөвлөхийн албан тушаалаас чөлөөллөө. МАН хүний эрхийг дээдэлсэн, авлигын эсрэг тэмцдэг дэвшилтэт нам байх болно” хэмээн жиргэсэн байна.
