Хичээлийн шинэ жил эхлэхтэй холбоотойгоор нийслэлийн замын хөдөлгөөнд тодорхой зохицуулалт хийхээр болжээ. Гэхдээ есдүгээр сарын 1-д автомашины улсын дугаараар тэгш, сондгойгоор ангилан хөдөлгөөнд оролцуулахгүй бөгөөд бүх автомашин замын хөдөлгөөнд оролцох боломжтой юм.
Харин нийслэлд хэрэгжиж буй тэгш, сондгой дугаараар зорчуулах түр зохицуулалт наймдугаар сарын 15-наас есдүгээр сарын 12-ныг дуустал үргэлжилнэ. Уг зохицуулалтын хүрээнд автомашины улсын дугаарыг тэгш, сондгойгоор ангилж, 07:00-21:00 цагийн хооронд хөдөлгөөнд оролцуулж байгаа юм.
