“Буян үйлдэгч” хэмээх усан барс жилийн хаврын тэргүүн сар, сар шинийн баярт зориулсан улс, аймгийн алдар цолтой 256 бөхийн барилдаан оролцох хүсэлтээ Даян аварга Н.Батсуурь өчигдөр /2021.01.30/ Монголын үндэсний бөхийн холбоонд гаргасан ч хүлээж аваагүй.
Тэгвэл өнөөдөр Сар шинийн баярт зориулсан үндэсний бөхийн барилдаанд Даян аварга Н.Батсуурь ирэхдээ “Ард түмнээ хүндлээд Сар шинийн барилдааныг өнжинө” гэдгээ мэдэгдлээ.
Монголын үндэсний бөхийн холбооны тэргүүн Ц.Магалжав өчигдөр энэ талаар ярихдаа “Маргаашийн сар шинийн барилдаанд Н.Батсуурь аварга, Р.Пүрэвдагва арслан, Ө.Бат-Орших нар барилдахгүй. Битүүний барилдаан бол бэлгэдлийн барилдаан. Тиймээс допингийн шийтгэл буруу, зөвийн асуудал нь тусдаа. Үүн дээр бид бүхэн ойлголцсон. Н.Батсуурь аварга өнөөдөр 11:00 цагийн үед надтай ярьсан. Дараагийн барилдаануудад барилдуулахыг тэргүүлэгчдийн хурлаараа шийдээд өгөөрэй гэх хүсэлтийг тавьсан. Тэргүүлэгчид энэ барилдаанд өнжүүлье гэж шийдсэн” гэсэн билээ.
