Хоёр жил тутам зохион байгуулдаг мөстэй усанд сэлэлтийн 4 дэх удаагийн ДАШТ-ий мэлхий болон эрвээхий сэлэлтийн төрөлд Ш.Даваадорж мөнгө, хүрэл медаль хүртлээ.
Энэхүү тэмцээн 2021 онд цуцлагдаж, энэ жил Польш улсын Глоков хотод болсон бөгөөд Ш.Даваадорж тус тэмцээнд 28 улсын тамирчидтай өрсөлдсөн байна.
Усан сэлэлтийн 4 дэх удаагийн дэлхийн аварга нь 50, 100, 250, 500, 1000 метрийн чөлөөт сэлэлт, 50, 100 метрийн мэлхий, 50 метрийн араар даллах, 50 метрийн эрвээхий, 100 метрийн ганцаарчилсан, холимог сэлэлтийн төрлүүд, түүнчлэн холимог 4×50 ба 4×250 метрийн чөлөөт буухиа гэсэн төрлүүдээр шилдгүүдээ тодруулжээ. Энэ удаагийн усны температур 5 хэм байсан бөгөөд Глоков хотын цаг агаар 7-10 хэмийн хооронд байсан юм байна.
IISA буюу Олон улсын мөсөн сэлэлтийн холбоо нь 2009 онд байгуулагдаж 73 орон гишүүн бөгөөд ихэнхи нь Европын орнууд байдаг аж.
