АТГ-аас Хөгжлийн банкны чанаргүй зээлийн асуудлаар өнөөдөр /2022.02.10/ мэдээлэл хийлээ.
Хэвлэл мэдээлэл, олон нийттэй харилцах ажилтан, комиссар Н.Тэмүүлэн:
-Хөгжлийн банкны чанаргүй зээлийн талаар нэгдүгээр сарын 28-нд албан бичгээр ирүүлсэн гомдол мэдээллээр Хөгжлийн банкнаас нийт чанаргүй гэж үзэж 52 зээлийг шалгуулахаар АТГ-т ирүүлснийг хэрэг нээж, мөрдөн шалгаж байна. Хэргийг шалгаж эхэлсэн цагаас Хөгжлийн банкны зээлдэгчдээс 8.5 тэрбум төгрөгийн зээл эргэн төлөгдсөн байна.
АТГ-ын мөрдөн шалгах ажлын хүрээнд 186 үл хөдлөх хөрөнгө, 124 машин, нэг үйлдвэр, нэг лиценз, 13 дансыг битүүмжилж, хязгаарласан. Зээлээ эргэн төлөөгүй 52 иргэн, аж ахуй нэгжийг албан ёсны вэб хуудаст байршуулна.
Мөн иргэдэд анхааруулж хэлэхэд аливаа худалдан авалт хийхдээ тухайн байгууллагын дансыг битүүмжилсэн эсэхийг нягтлах хэрэгтэй. Жишээлбэл, “Гантиг Вилла” хотхоны есөн блок барилгыг битүүмжилсэн тул худалдан авахгүй байхыг иргэддээ анхааруулж байна. Тус хотхон нь УИХ-ын гишүүн асан Б.Ундармаагийн хамаарал бүхий учраас битүүмжлээд байгаа юм. Мөрдөн шалгах ажиллагаа үргэлжилж байна.
