Соёлын сайд Ч.Номин Швейцарын хөгжлийн агентлагийн дарга Стефани Бурриг Соёлын яаманд өчигдөр хүлээн авч уулзлаа.
Уулзалтын эхэнд, Соёлын сайд Ч.Номин Монгол Улсын соёлын салбарын үйл ажиллагааг үргэлж дэмжсээр ирсэнд талархал илэрхийлж, цаашид хамтран ажиллах боломжтой томоохон төсөл, хөтөлбөрийн талаар ярилцав.
Тухайлбал, Засгийн газрын хуралдаанаар “Венецийн дүрслэх урлагийн олон улсын биенналь”, “Каннын кино наадам”-д Соёлын яамны дэмжлэгтэй уран бүтээлчдийг тогтмол оролцуулахаар шийдвэрлэсэн талаар мэдээлэл өгч, хамтран ажиллах асуудлаар санал солилцов.
Мөн “Улаанбаатар” кино наадмыг зохион байгуулах, Швейцарын Локарногийн кино наадамд оролцох зэрэг асуудлаар хамтарсан ажлын багийн ажлыг эрчимжүүлэх зэрэг ажлыг ярилцаж, харилцан тохиролцлоо.
