Судалгааны “Мек” төв ээлжит улс төрийн барометерийн судалгаагаа танилцууллаа.
Тус судалгаагаар Ерөнхийлөгч, УИХ, Засгийн газрын үйл ажиллгаанд дүгнэлт хийсэн бөгөөд Улаанбаатар хотод оршин суудаг сонгуулийн насны 1010 иргэнээс хоёрдугаар сарын 11-14-ий өдрүүдэд санамсаргүй байдлаар түүвэрчилж утсаар авсан байна. Судалгааны дүнгээр Ерөнхий сайд Л.Оюун-Эрдэнийн рейтинг өмнөх саруудынхаас өндөр гарчээ. Тухайлбал, хүүхдийн мөнгө нэмсэн, төмөр замын асуудал шийдлийг шийдсэн, Оюу толгойн гүний уурхайг хөдөлгөсөн, ковидын вакцинжуулалт, Хөгжлийн банкинд тулгарасан асуудлыг ил болгосон зэрэг арга хэмжээ нь иргэдээс өндөр үнэлгээ авч, Ерөнхий сайд Л.Оюун-Эрдэнийн рейтинг өсөхөд голлон нөлөөлжээ. Түүнчлэн, иргэд үйл ажиллагаа нь таалагддаг улстөрчийг Ерөнхийлөгч У.Хүрэлсүх тэргүүлж, хоёрт Л.Оюун-Эрдэнэ эрэмбэгдсэн байна.
Мөн Засгийн газрын хэрэгжүүлж байгаа “Шинэ сэргэлийн бодлого”-ын талаарх иргэдийн дунд дахь мэдлэг, мэдээлэл сар бүр нэмэгдэж байгааг судалгаанаас харагджээ. Тухайлбал, арванхоёрдугаар сард Шинэ сэргэлтийн бодлогын талаар иргэдээс асуухад найман хувь нь “маш сайн мэднэ” гэж хариулж байсан бол хоёрдугаар сард 25 хувь нь “маш сайн мэднэ” гэж хариулжээ.
Судалгааны дүнг доорх зурагнаас харна уу.
