Монгол хүн сансарт ниссэн түүхэн үйл явдлыг “Булганчуудын бахархлын өдөр” болгон жил бүр тэмдэглэж байхаар шийдвэрлэсэн юм. Монгол хүн сансарт ниссэний ойг тохиолдуулан БНМАУ, ЗСБНХУ-ын баатар, сансрын нисгэгч, “Чингис хаан” одонт Ж.Гүррагчаатай аймгийн Засаг дарга Б.Ариун-Эрдэнэ болон аймгийн удирдлагууд цахимаар уулзан, мэндчилгээ дэвшүүллээ. Аймгийн музейгээс сансарын нислэгтэй холбоотой түүхэн баримт, гэрэл зургийн үзэсгэлэнг аймгийн ЗДТГ-т гаргаж, иргэдэд сонирхуулж байна.
Мөн Монгол хүн сансарт ниссэний 41 жилийн ой, “Булганчуудын бахархлын өдөр”-т зориулсан “Сансар 2022” марафон гүйлт Цогт хун тайжийн талбайд болж байна.
