Төрийн албаны шинэтгэлийн хүрээнд “Стратегийн баримжаатай хүний нөөцийн удирдлага”, “Төрийн албан хаагчийн ёс зүй” дэд төслүүдийн нээлтийн арга хэмжээг Төрийн албаны зөвлөлөөс 2022.04.08-ны өдөр зохион байгууллаа. Дэд төслүүдийн зорилго Төрийн байгууллагын хүний нөөцийн удирдлагыг төлөвшүүлэх, төрийн албан хаагчдыг ёс зүйн зөрчлөөс урьдчилан сэргийлэх суурь нөхцөлийг бүрдүүлэх, сургагч багш нарыг бэлтгэх, ёс зүйн шинэ менежментийг нэвтрүүлэх, ёс зүйн зөвлөлийг бэхжүүлэхэд чиглэж байна.
Уг арга хэмжээгээр төрийн албан хаагчийн зарчимч, шударга байдлыг бэхжүүлэх дэд төслүүдийг эхний ээлжинд хэрэгжүүлэхээр сонгогдсон яам, агентлаг, аймгийн Засаг даргын тамгын газрын төлөөллүүдэд төслийн талаар танилцуулж, дэд төслүүдийг хэрэгжүүлэх төлөвлөгөөг баталлаа. Төлөвлөгөөнд Төрийн албаны зөвлөлийн дарга Б.Баатарзориг, БХБЯ-ны Төрийн нарийн бичгийн дарга С.Магнайсүрэн нар гарын үсэг зурж баталгаажууллаа.
Төлөвлөгөөний дагуу Төрийн албаны шинэтгэлийн дараагийн алхам, дэд төслүүдийг #БХБЯ түүчээлж манлайлан хэрэгжүүлж Төрийн албаны зөвлөлтэй хамтран ажиллахаар боллоо.
