Бүгд Найрамдах Киргиз Улсын Засгийн газар коронавируст цар тахлын үеийн зорчих хөдөлгөөний хязгаарлалтаа дөрөвдүгээр сарын 30-ны өдөр цуцалсан. Ингэснээр тус улс руу зорчих гадаадын иргэд коронавируст халдварын эсрэг вакцинд хамрагдсан байх, PCR шинжилгээ өгсөн байх шаардлагаас чөлөөллөө.
Түүнчлэн Бүгд Найрамдах Австри Улс коронавируст цар тахлын үеийн зорчих хөдөлгөөний зохицуулалтад тавдугаар сарын 13-ны өдөр нэмэлт өөрчлөлт оруулжээ.
Тус улсад зорчих гадаадын иргэд 3G буюу коронавируст халдварын эсрэг вакцинд хамрагдсан байх, коронавируст халдвараар өвдөөд эдгэснээ нотлох, PCR шинжилгээний “сөрөг” хариутай байх шаардлагаас чөлөөллөө.
Эх сурвалж: ГХЯ-ны Консулын газар
