Манай улс он гарсаар 639.6 мян.тн газрын тосны бүтээгдэхүүн импортлоод байна.
Үүнд А-80 автобензин 13.9 мян.тн, АИ-92 автобензин 224.6 мян.тн, АИ-95/98 автобензин 11.3 мян.тн, ДТ 316.4 мян.тн, онгоцны түлш 19.9 мян.тн, бусад 53.4 мян.тн байгаа юм.
Улсын хэмжээнд энэ сарын 19-ний байдлаар 155,103 тн шатахууны нөөцтэйгээс А-80 автобензин 11,562 тн, АИ-92 автобензин 55,465 тн, АИ-95 автобензин 6,738 тн, ДТ 78,042 тн байв. Энэ нь АИ-92 автобензиний 42, АИ-95 автобензиний 51, А-80 автобензиний 69, ДТ-ний 29 хоногийн нөөцтэй гэсэн үг.
Улаанбаатар хотод 77,956 тн шатахууны үлдэгдэлтэй байгаагаас А-80 автобензин 2,971 тн, АИ-92 автобензин 31,876 тн, АИ-95 автобензин 3,952 тн, ДТ 36,060 тн байна. Энэ нь АИ-92 автобензиний 34, АИ-95 автобензиний 54, ДТ-ний 33 хоногийн буюу хэвийн нөөцтэйг УУХҮЯ мэдээлэв.
Шатахууны нөөц баруун бүсэд 13,875 тн, хангайн бүсэд 9,415 тн, төвийн бүсэд 35,328 тн, зүүн бүсийн шатахууны үлдэгдэл, нөөц 9,169 тн байгаа аж.
