Манай улс 8 дугаар сарын 26-аас 9 сарын 1-нд 7 816 автомашин, 550 чингэлэг нийт 938.7 мян.тн нүүрс экспортод гаргасан нь өмнөх оны мөн үеийнхээс 386 хувь буюу 3.9 дахин нэмэгджээ.
Оны эхнээс 14,971.3 мян.тн нүүрс гаргаснаар нүүрс экспорт өмнөх оны мөн үеийн хэмжээнээс 31 хувиар нэмэгдсэнийг УУХҮЯ мэдээллээ.
Долоо хоногт 360 автомашин, 218 чингэлэг буюу оны эхнээс 982 мян.тн зэсийн баяжмал экспортолсон нь өнгөрсөн оны мөн үеийнхээс 9.4 хувийн өсөлттэй байгаа аж. Төмрийн хүдэр, баяжмалын тухайд 800 автомашин, 1105 чингэлэг буюу оны эхнээс 2,674.7 мян.тн-ыг экспортолсон нь өнгөрсөн оны мөн үеийнхээс 50 хувиар багасжээ.
Төв банк оны эхнээс энэ сарын 1-ний өдрийн байдлаар 12.46 тонн алт худалдан авсан байна.
Эрдэс бүтээгдэхүүний экспорт дунджаар 62 хувийн гүйцэтгэлтэй, тодруулбал, нүүрс 83.2, зэсийн баяжмал 81, төмөр 53, алт 62.3, цайр 96.5 хувь тус тус байна.
