Арванхоёрдугаар сарын 16-аас 22-ны өдрүүдэд 7775 автомашин, 1646 чингэлэг нийт 1,011.5 мян.тн нүүрс экспортод гарсан нь өмнөх оны мөн үеэс зургаа дахин өссөн үзүүлэлттэй байна. Оны эхнээс 30,295.5 мян.тн нүүрс гарснаар нүүрс экспорт өмнөх оны мөн үеийн хэмжээнээс 90 хувиар өсжээ. Долоо хоногт 481 автомашин, 320 чингэлэг буюу оны эхнээс 1,409.6 мян.тн зэсийн баяжмал экспортолсон нь өнгөрөгч оны мөн үеэс 11.3 хувийн өсөлттэй байна. Түүнчлэн, төмрийн хүдэр, баяжмалын тухайд 10 автомашин, 919 чингэлэг буюу оны эхнээс нийт 4,607.2 мян.тн-ыг экспортолсон нь өнгөрөгч оны мөн үеэс 35 хувиар буурчээ. Төв банк оны эхнээс энэ сарын 22-ны өдрийн байдлаар 22.50 тонн алт худалдан аваад байна. Энэ нь өмнөх оны мөн үеэс 9.4 хувиар өссөн үзүүлэлт юм. Мөн эрдэс бүтээгдэхүүний нийт экспорт дунджаар 108 хувийн гүйцэтгэлтэй байгаа талаар УУХҮЯ-наас мэдээллээ.
Нүүрсний экспорт 90 хувиар өсжээ
