Японы мэргэжлийн сүмо бөхийн арваннэгдүгээр сарын тэмцээн буюу Кюүшюү башё өчигдөр эхэллээ. Сүмо бөхийн их аварга Хакүхо М.Даваажаргал зодог тайлснаас хойших анхны башё гэдгээрээ онцлог болж байгаа тэмцээнийг Монголын ээлжит аварга Терүнофүжи Г.Ган-Эрдэнэ тэргүүлж байна. Харин зодог тайлсан Хакүхо аварга шинэ ажилдаа оржээ. Тэрээр тэмцээний үеэр үүдэнд зогсож, тасалбар шалгаж, бөхчүүдийг орж гарахад нь харж, үзэгчдэд туслах аж.
Энэ талаар Япон судлаач Д.Төмөрбаатар “Хакүхо аварга шинэ ажилдаа. Баруун жигүүрийн хамгаалалтад. Тэмцээний үеэр үүдэнд зогсоно, бөхчүүдийг орж гарахад харж зогсоно, үзэгчдэд туслах гээд ажлыг хийж эхэлнэ. Тэгээд л дэвшээд байна даа” хэмээжээ.
