Засгийн газрын тогтоолоор баталсан “Эрүүл мэндээ хамгаалж, эдийн засгаа сэргээх 10 их наядын цогц төлөвлөгөө”-ний хүрээнд ноолуурын салбарт 121.9 тэрбум төгрөгийн хөнгөлөлттэй зээлийг үндэсний 24 үйлдвэрт олгосон юм.
Монгол Улсад валютын нөөц бүрдүүлэхэд онцгой хувь нэмэртэй ноолуурын салбарынхан энэ зээлд хамрагдсанаар 2022 онд 3200 тонн ноолуур худалдан авч, зах зээлд түүхий ноолуурын үнийг 158 мянган төгрөг хүртэл өсгөсөн. Өнгөрсөн оны байдлаар ноолуурын салбарын экспорт 445.3 сая ам.долларт хүрч, экспортын үнийн дүн цар тахлын өмнөх буюу 2019 оныхтой харьцуулахад 15.8 хувиар, 2021 оныхтой харьцуулахад 33.4 хувиар нэмэгдсэн байна. Үүнээс гадна үндэсний үйлдвэрүүд тогтвортой ажлын байрыг хадгалж, техник, технологио шинэчилжээ.
Ноолуурын салбарт хэрэгжиж буй бодлогын арга хэмжээ бол УИХ, Засгийн газрын тогтоолоор 2023 оноос хялгас ялгахаас дээш түвшний боловсруулалт хийсэн чанар, стандартын шаардлага хангасан ноолуурыг үйлдвэрлэх, экспортлохыг дэмжсэн шийдвэр юм. Дэлхийн ноолуурын түүхий эдийн 50 хувийг бэлтгэдэг манай улсын хувьд 2022 он хүртэл зөвхөн угаасан ноолуурыг экспортолж ирсэн. Тэгвэл угаасан ноолуурыг экспортлохыг хориглосноор дотоодод нэмүү өртөг шингэсэн үйлдвэрлэлийг хөгжүүлэх хөшүүрэг болсныг ХХААХҮЯ мэдээлэв.
