Монголбанкны Ерөнхийлөгч Б.Лхагвасүрэн эдийн засгийн өнөөгийн нөхцөл байдал, цаг үеийн асуудлаар мэдээлэл өглөө.
Тэрээр”Монголбанк энэ онд инфляцыг дунджаар найман хувьд барихаар төлөвлөөд байгаа. Одоогийн байдлаар инфляц улсын хэмжээнд 12.3 хувьтай байна. Мөнгөний бодлогыг аажмаар нэмснээр 2024 оны дөрөвдүгээр улиралд гэхэд долоон хувьд хүргэнэ гэж харж байна. Түүнчлэн 2023 оны Төрөөс баримтлах мөнгөний бодлогын үндсэн чиглэлийн дагуу ипотекийн хөтөлбөрийг Монголбанкнаас Засгийн газарт шилжүүлэхийг үүрэг болгосон. Ийнхүү зургаан сарыг дуустал Монголбанк 3.6 их наяд төгрөгийн санхүүжилтийг олгож, эргэлтийн санг бий болгосон. Одоогоор арилжааны банкууд ипотекийн зээлээ хэвийн олгоод явж байгаа. Харин ипотекийн хөтөлбөрийг Засгийн газарт шилжүүлэхтэй холбогдуулан Барилга, хот байгуулалтын сайд, Сангийн яамтай боломжит хувилбар гаргах талаар ярилцаж байна. Ипотекийн зээлийн төлөлт энэ оноос эхлэн банктай тохирсон хуваарийнхаа дагуу хийгдэж эхэлсэн. Энэ нь зээлийг цааш нь үргэлжлүүлэх эх үүсвэр нь болж байгаа” гэлээ.
