Монгол Улсын Засгийн газраас хэрэгжүүлж байгаа “Шинэ сэргэлтийн бодлого”-ын хүрээнд “Хөдөөгийн сэргэлт” чуулганыг Ерөнхий сайдын санаачилгаар өнөөдөр /2023.03.10/ зохион байгууллаа. Уг чуулганд Монгол Улсын Ерөнхий сайд болон Засгийн газрын гишүүд, дэд сайд, аймаг, нийслэлийн Засаг дарга нар оролцсон юм. “Шинэ сэргэлтийн бодлого”-ын гол зорилтуудын нэг болох Хот, хөдөөгийн сэргэлтийн хүрээнд Улаанбаатар хотоос орон нутаг руу шилжин суурьшигчдын амьдрах орчин нөхцөлийг бүрдүүлэх, төрийн бодлогоор бодитой дэмжих төлөвлөлтийг Засгийн газар хэрэгжүүлэх гэж байгааг Сангийн сайд Б.Жавхлан танилцуулж, орон нутагт шилжин суурьшиж байгаа иргэдэд ИПОТЕК-ийн 3%-ийн зээл олгох бол АЖ АХУЙН НЭГЖ-үүдэд 1%-ийн зээл олгоно. Зээлүүдийг энэ нэгдүгээр улиралд олгож эхэлнэ. Ипотекийн зээлийг орон нутагт шилжин суурьшиж байгаа иргэд болон орон нутагт байсан анх удаа орон сууцны зээл авч байгаа иргэдэд олгоно гэдгийг онцоллоо.
Б.Жавхлан: Орон нутагт шилжин суурьшиж байгаа иргэдэд ИПОТЕК-ийн 3%-ийн зээл олгоно
