Оны шилдэг уран бүтээлчдийг шалгаруулдаг “Мөнгөн мод” наадам өчигдөр болж өндөрлөлөө. Энэхүү наадмын оны шилдэг тайзны уран бүтээлээр Хөдөлмөрийн баатар, Ардын уран зохиолч Б.Лхагвасүрэнгийн зохиол, Б.Баатарын найруулага “Тамгагүй төр” жүжиг шалгарсан юм.
“Тамгагүй төр” жүжгийг өнгөрсөн жил 117 удаа тоглож, 67 мянга гаруй үзэгч үзсэн билээ. Тэгвэл ирэх арваннэгдүгээр сарын 13-наас Английн Лондон хотноо “West end” театрт нийт 20 удаа тоглохоор гэрээ хийсэн байна.
