Оны шилдэг уран бүтээлч шалгаруулах “Мөнгөн мод” шагнал гардуулах ёслолын ажиллагаа 14 дэх жилдээ өчигдөр Дуурь бүжгийн эрдмийн театрын тайзнаа боллоо.
Монгол Улсын Засгийн газрын 2008 оны 195 дугаар тогтоолын хүрээнд Соёлын асуудал эрхэлсэн төрийн захиргааны байгууллагаас жил бүр зохион байгуулдаг оны шилдэг уран бүтээлч шалгаруулах “Мөнгөн мод” хүндэтгэлийн арга хэмжээг зохион байгуулж ирсэн.
14 дэх жилдээ зохион байгуулагдсан “Мөнгөн мод” арга хэмжээгээр 2022 онд хамаарах шилдэг 12 уран бүтээл болон 12 уран бүтээлчийг шалгарууллаа.
“Мөнгөн мод-2022” шагналын эзэд
Шилдэг тайзны урлагийн бүтээл:
“Тамгагүй төр” физикл драм
Шилдэг цахим бүтээл:
GUYUK метаверс
Шилдэг архитектурын бүтээл:
Чингис хаан музейн архитектур
Шилдэг дизайны бүтээл:
“Хүрээ лоунж” интерьер дизайн
Шилдэг зар сурталчилгаа:
ЦЕГ-ын “Аажуу явбал аяндаа хүрнэ дээ“ нөлөөллийн аян
Шилдэг хувцас загварын бүтээл:
“Devil” коллекц
Шилдэг дүрслэх урлагийн бүтээл:
“Их эзэн Чингис хаан” реалист уран зураг
Шилдэг нийтлэл, нэвтрүүлэг:
“Нүүдэлчин зөн” арт медиа төслийн “Ухамсар” бүтээл
Соёлын өвийг сурталчилсан шилдэг бүтээл:
Чингис хаан музейн үзэсгэлэн, үзүүлэг дэглэлт
Шилдэг ном хэвлэл:
Нүүдэлчдийн агсарга бүс
Шилдэг судлаач:
Соёл урлаг судлалын хүрээлэнгийн судлаач Б.Баатархүү
Шилдэг эмэгтэй жүжигчин:
“Орфей” театрын жүжигчин О.Энхтуул
Шилдэг найруулагч:
УДЭТ-ын найруулагч Э.Ёндоншарав
Кино урлагийн шилдэг бүтээл:
“Трио“ уран сайхны кино
Шилдэг дуу хөгжмийн бүтээл:
“Монгол аялгуу” хос пянз
Шилдэг продюсер:
“Номадс” группийн ерөнхийлөгч М.Есөнмөнх
Шилдэг бүжигчин:
ДБЭТ-ын Балетын гоцлол бүжигчин МУСТА Ө.Мөнхжин
Шилдэг удирдаач:
Улсын филармонийн удирдаач Д.Түвшинсайхан
Шилдэг зураач:
Э.Эрдэнэболд /Гэртүүн ХХК/
Шилдэг бүжиг дэглээч:
Ё.Дамчаабадгар /СУИС-ийн бүжгийн урлагийн сургууль/
Шилдэг зохиолч:
Ц.Бат-Оргил /Гэртүүн ХХК/
Шилдэг хөгжмийн зохиолч:
Х.Алтангэрэл /Улсын филармони/
Шилдэг дуучин:
Үндэсний урлагийн их театрын дуучин Т.Баатархүү
Шилдэг хөгжимчин:
Үндэсний урлагийн их театрын хөгжимчин Э.Цэндсүрэн.
