“Эрдэнэс Тавантолгой” ХК нь 2021 онд дотоодын зах зээлээс босгосон “ЭТТ БОНД”-ын 236.5 тэрбум төгрөг, 39 сая ам.долларын үндсэн төлбөрийг өнөөдөр /2023.04.07/ амжилттай төллөө.
Засгийн газрын “Эрүүл мэндээ хамгаалж, эдийн засгаа сэргээх 10 их наядын цогц төлөвлөгөө”-ний хүрээнд “Эрдэнэс таван толгой” ХК стратегийн ач холбогдол бүхий төмөр зам, нүүрс баяжуулах үйлдвэр, дулааны цахилгаан станц зэрэг томоохон төсөл, хөтөлбөрүүд хэрэгжүүлэх болсон. Өөрийн орлогоор баталгаажсан, хоёр их наяд төгрөг хүртэлх үнийн дүнтэй төгрөг, ам.долларын “ЭТТ бонд”-ыг гаргасан юм.
