80 хүн, дөрвөн хуулийн этгээдэд холбогдох Хөгжлийн Банкны хэргийн шүүх хурал дөрөв дэх өдрөө үргэлжилж байна. Өнөөдрийн хуралдаанаар эрх мэдэл, албан тушаалын байдлаа урвуулан ашиглах гэмт хэрэгт холбогдсон шүүгдэгчдийн хэргийн материалыг уншиж, танилцуулж байгаа юм.
Үдээс хойших шүүх хуралдаан эхэлж, шүүх хуралдааны даргалагч шүүгч З.Болдбаатар мэдээлэл өглөө.
Тэрээр “Шүүгдэгч, хохирогч, иргэний хариуцагчдаас мэдүүлэг авахдаа тодорхой хугацаа тогтоох бодолтой байна. Энэ нь оролцогчдыг ижил тэгш боломжоор хангах ач холбогдолтой. Хүн болгонд байр сууриа илэрхийлэх боломж бий. Хөгжлийн банкны зээлдэгчдэд малчин, УИХ-ын гишүүн ч бий, шүүх бүгдэд нь тэгш хандана” гэлээ.
