Олон улсын валютын сан, Дэлхийн банкны 47 дахь хаврын уулзалт АНУ-ын Вашингтон хотноо 2023 оны 4 дүгээр сарын 10-16-нд зохион байгуулагдаж, уулзалтад Монгол улсын Сангийн сайд Б.Жавхлан тэргүүтэй төлөөлөгчид оролцов.
Уулзалтын үеэр Сангийн сайд Б.Жавхлан Олон улсын валютын сангийн Дэд захирал Кенжи Окамура, Дэлхийн банкны Ази, Номхон далайн орнуудын Бүсийн асуудал хариуцсан Дэд ерөнхийлөгч Мануэла В.Ферро, Олон улсын санхүүгийн корпорацын Дэд Ерөнхийлөгч Рикардо Пулити, АНУ-ын Төрийн Департаментын Эдийн засгийн өсөлт, Эрчим хүч, Байгаль орчны асуудал хариуцсан орлогч Хосе В.Фернандес, Мянганы сорилтын корпорацийн Компакт гэрээний үйл ажиллагаа хариуцсан дэд ерөнхийлөгч Камерон Алфорд нартай хоёр талын уулзалт хийж, Монгол Улсын нийгэм, эдийн засгийн өнөөгийн нөхцөл байдал, Монгол Улсын Засгийн газраас авч хэрэгжүүлж буй бодлого, арга хэмжээ, цаашдын хамтын ажиллагааны талаар дэлгэрэнгүй санал солилцсон байна.
