Цагдаагийн байгууллагад энэ сарын 22-ны шөнө Баянгол дүүргийн наймдугаар хорооны нутаг дэвсгэрт байрлах “Байрны гадна зогсоолд байрлуулсан 27 тээврийн хэрэгсэлд халдан эд зүйл хулгайлсан байна” гэх дуудлага, мэдээлэл бүртгэгдсэн. Улмаар тус дүүргийн цагдаагийн газрын хоёрдугаар хэлтсийн алба хаагчид мөрдөн шалгах, эрэн сурвалжлах ажиллагааг явуулж 18 настай, эрэгтэй “Б” нь 16-30 настай “О” болон “Б” нартай бүлэглэн үйлдсэнийг тогтоожээ. Одоогоор тус этгээдүүдийг баривчилж, мөрдөн шалгах ажиллаа явуулж байгаа талаар Цагдаагийн ерөнхий газраас мэдээллээ. Иймд иргэд та бүхэн энэ төрлийн гэмт хэрэгт хохирохоос урьдчилан сэргийлж сэжигтэй үйлдэл, этгээдийн талаарх мэдээллийг цагдаагийн байгууллагад мэдээлэхийг зөвлөлөө.
27 машины цонхыг хагалж, эд зүйл хулгайлсан этгээдүүдийг баривчлав
