Улаанбаатар хотын 45 дахь удаагийн аварга шалгаруулах ЕБС-ийн бага, дунд, ахлах ангийн сурагчдын Уран хөдөлгөөнт гимнастикийн тэмцээн өнөөдөр 10:00- 15:00 цагт Спортын төв ордонд болж өндөрлөлөө. Тэмцээнд 9 дүүргийн 35 сургуулийн бага, дунд, ахлах ангийн 1500 сурагчдаас шалгарсан 7 дүүргийн 30 сургуулийн 508 сурагч өрсөлдсөн юм.
Бага насны ангилалд:
I байрт: Ж.Маргад захиралтай, Э.Нямтуяа дасгалжуулагчтай БЗД-ийн “Сингапур скүүл оф Монголиа” сургууль 100.2 оноогоор;
II байрт: Т.Эрдэнэчимэг захиралтай, Ж.Нямжаргал дасгалжуулагчтай СБД-ийн “Шинэ зууны удирдагч” олон улсын сургууль 97.6 оноогоор;
III байрт: Н.Лхагва захиралтай С.Ганхуяг дасгалжуулагчтай БГД-ийн “Монгени” цогцолбор сургууль 90.6 оноогоор;
IV байрт: Н.Лхагвадорж захиралтай, Л.Ганзориг дасгалжуулагчтай СХД-ийн “Хөгжил” цогцолбор сургууль 86.0 оноогоор тус тус шалгарлаа.
Дунд насны ангилалд:
I байрт: Ж.Одгэрэл захиралтай, Р.Алтанхуяг дасгалжуулагчтай,СХД-ийн 106 дугаар сургууль 91.65 оноогоор;
II байрт: Л.Цэрэнханд захиралтай, Б.Сумъяадорж дасгалжуулагчтай, ХУД-ийн 52 дугаар сургууль 87.5 оноогоор;
III байрт: С.Энх-Ариун захиралтай, Т.Цэрэн дасгалжуулагчтай, СХД-ийн “Хөгжил” цогцолбор сургууль 81.3 оноогоор тус тус шалгарлаа.
Ахлах насны ангилалд:
I байрт: Р.Өлзийхишиг захиралтай, Ж.Чулуунцэцэг дасгалжуулагчтай, ХУД-ийн 34 дүгээр сургууль 16.5 оноогоор;
II байрт: Ж.Одгэрэл захиралтай, Р.Алтанхуяг дасгалжуулагчтай, СХД-ийн 106 дугаар сургууль 16.03 оноогоор;
III байрт: Б.Нарангэрэл захиралтай, Д.Жамсранжав дасгалжуулагчтай, СХД-ийн 9 дүгээр сургууль 16.0 оноогоор тус тус шалгарлаа.
Мөн Монголын Спорт сонирхогч хөгжөөн дэмжигчдийн холбооноос баг тамирчдаа амжилттай бэлтгэн оролцуулсан 20 сургуулийн багийн ахлагч 44 сурагчид шагнал гардууллаа.
