“Хүүхдэд ээлтэй Эрдэнэс Тавантолгой” хөтөлбөрийн хүрээнд Өмнөговь аймгийн Цогтцэций сумын 3-10 насны хүүхдүүдийн дунд гар зургийн өдөрлөг зохион байгууллаа. Энэхүү өдөрлөгт 250 гаруй хүүхэд оролцож мөрөөдөл, төсөөллөө буулган, чөлөөтэй бүтээлч байдлаар хүссэн зургаа зурж, эцэг эхдээ бэлэглэсэн юм.
“Хүүхдийн эрхийг хамгаалах өдөр” буюу “Монголын эх үрсийн баярын өдөр”-ийг тохиолдуулан өсвөр насны сурагчдыг сэтгэл зүйн эрүүл мэндийн сургалт хэлэлцүүлэгт хамруулсан бол 10 хүртэлх насны хүүхдүүдийн ертөнцийг зургаар илэрхийлэн гаргаж, тэдэнд урам зориг өгч ажиллахыг зорив.
