Сангийн дэд сайд С.Мөнгөнчимэг Бүгд Найрамдах Казахстан Улсын Алматы хотноо зохион байгуулагдсан Олон улсын валютын сан (ОУВС)-ийн Казахстан дахь бүсийн техник туслалцааны төвийн албан ёсны нээлтийн арга хэмжээнд оролцлоо.
Тус төв нь ОУВС, төв Азийн улс орнууд болон Монгол улс зэрэг ОУВС-ийн 9 гишүүн улс орнууд болон хөгжлийн түнш байгууллагуудын хамтын үйл ажиллагаа, сургалт, судалгааг хөгжүүлэхэд чухал үүрэг гүйцэтгэх юм.
Нээлтийн арга хэмжээний үеэр Сангийн дэд сайд С.Мөнгөнчимэг ОУВС-ийн Захирал хатагтай Кристалина Георгиева болон удахгүй ОУВС-ийн Монгол дахь суурин төлөөлөгчөөр томилогдон ажиллах ноён Тигран Погосян нартай уулзалт хийсэн.
Уулзалтаар ОУВС болон Монгол Улсын хоорондын хамтын ажиллагаа болон Монгол Улсад удахгүй ирж ажиллах ОУВС-ийн 4-р заалтын ажлын хэсгийн талаар ярилцсан.
Мөн инфляцийн өсөлт, түүний үр дагаварт мөнгөний бодлогоор хэрхэн нөлөөлөх, улс орнуудын урт хугацааны тогтолцооны сорилтуудыг даван туулахад төсвийн хүрээг хэрхэн сайжруулах талаар хэлэлцүүлгүүд боллоо.
