Манай улс “Монголд зочлох жил”-ийн хүрээнд энэ онд нэг сая жуулчин хүлээн авахаар төлөвлөж буй. Жуулчлалын ид үе 6-9 дүгээр сард 550 мянган жуулчин ирнэ хэмээн тооцоолсноос долоодугаар сарын байдлаар 29.25 хувийн гүйцэтгэлтэй байна.
Долоодугаар сарын 16-ны өдрийн байдлаар өдөрт 3151 жуулчин, он гарснаас хойших хугацаанд 300 мянган жуулчин манай улсад ирээд байгаа талаар Аялал жуулчлалы хөгжлийн төвөөс мэдээллээ.
ҮСХ-ны мэдээллээр энэ оны эхний 6 сарын байдлаар Монгол Улсын хилээр 226.8 мянган гадаадын жуулчин нэвтэрснээс:
- ОХУ-аас 104.8 мянга,
- БНХАУ-аас 37.5 мянга,
- БНСУ-аас 36 мянга, (дээрх хоёр улсаас нийтдээ 75 мянган жуулчин иржээ)
- Казахстанаас 7.6 мянга,
- Япон улсаас 6 мянга,
- АНУ-аас 5.6 мянга,
- Беларусь улсаас 3.8 мянга,
- ХБНГУ-аас 2.5 мянга,
- Францаас 2.1 мянга,
- Турк улсаас 2.1 мянган жуулчин тус тус иржээ.
