Хан-Уул дүүргийн 11 дүгээр хороо буюу Зайсангийн KFC-ийн уулзвараас Дүнжингаравын гудамж буюу Богдхан уулын арын зам хүртэлх авто замын хөдөлгөөнийг хязгаарлаж, засварын ажил гүйцэтгэж байна. Тодруулбал, өчигдөр шөнө буюу долоодугаар сарын 28-ны 00:00 цагаас уг замыг хаалаа. Тус замын хөдөлгөөнийг наймдугаар сарын 15-ны 06:00 цаг хүртэл хязгаарлаж, засвар шинэчлэл хийх юм. Зам хаах хугацаанд замын хөдөлгөөнийг дараах зураглалын дагуу зохион байгуулах юм байна. Тус авто зам нь 2008 онд ашиглалтад орсон бөгөөд түүнээс хойш их засвар хийгээгүй ажээ. Тиймээс дээрх хугацаанд хашлага шинээр суурилуулан, тэмдэг тэмдэглэгээ хийж, инженерийн шугам сүлжээний худгийн тагийг өндөрлөн, зорчих хэсэгт асфальт бетон хучилт хийхээр төлөвлөжээ. Мөн явган хүний замыг шинээр тавих юм байна.
Зайсангийн KFC-ийн уулзвараас Богдхан уулын арын зам хүртэлх авто замын хөдөлгөөнийг хязгаарлалаа
