Ирэх өвлийн бэлтгэл хангахаар нийслэлийн Агаар, орчны бохирдолтой тэмцэх газар, “Таван толгой түлш” ХХК хамтран одоогоор түрээсийн 46 агуулахад 81 885 тонн түлшний нөөц бүрдүүлээд байна.
Зуун мянган тонн сайжруулсан шахмал түлшний нөөцийг бүрдүүлэхээр төлөвлөсөн бөгөөд есдүгээр сарын 15 гэхэд сайжруулсан түлшний нөөц бүрдүүлэлт 100 хувьд хүрэх юм. Мөн сайжруулсан шахмал түлшний тээвэрлэлт хийх 31 компанитай гэрээ байгуулжээ. Гэрээний дагуу 310 тээврийн хэрэгсэл үйлдвэрээс борлуулалтын цэг, агуулах, агуулахаас борлуулалтын цэг гэсэн үндсэн гурван циклээр, өдөрт дунджаар таван удаагийн рейсээр сайжруулсан шахмал түлш тээвэрлэнэ.
