Авлигатай тэмцэх газраас зарим салбарт гэрээний үүргээ хангалтгүй гүйцэтгэсэн аж ахуйн нэгжүүдийн “Ажлын гүйцэтгэлийн түүх” үүсгэх, тендерт өрсөлдөх байдлын шалгуур үзүүлэлтэд тусгуулахаар ажиллаж байна.
Энэ хүрээнд “Барилгын хөгжлийн төв” ТӨҮГ, “Эрчим хүчний үндэсний төв” ТӨХХК, “Зам, тээврийн хөгжлийн төв” ТӨҮГ-ын захиалагчийн хяналтын хэлтсийн дарга, ахлах ажилтнуудтай уулзаж, гэрээний үүргээ хангалтгүй хэрэгжүүлж буй аж ахуйн нэгжийг хар жагсаалтад оруулах, ажлын гүйцэтгэлийн түүх үүсгэхийг тус байгууллагуудтай хамтран хэрэгжүүлэхээр болов.
АТГ авлигын гэмт хэргийн шалтгаан, нөхцөлийг арилгуулахаар ГЕГ, ЗХЖШ, Архангай, Завхан аймгийн Засаг дарга, БХЯ, Завхан аймгийн ИТХ, Архангай аймгийн БШУГ, НЗДТГ, Төрийн өмчийн Бодлого зохицуулалтын газар, ТЦА, СХД-ийн Цагдаагийн нэгдүгээр хэлтэс, “ДЦС-3” ТӨХК, Өвөрхангай аймгийн Баянгол сумын ЗДТГ зэрэг байгууллага, албан тушаалтанд хүргүүлсэн 19 мэдэгдлийн хэрэгжилтэд энэ сарын 9-13-нд дүн шинжилгээ хийжээ.
