Улсын хэмжээнд 2023 оны аравдугаар сарын 17-ны өдрийн байдлаар нийт 94,195 тонн шатахууны үлдэгдэлтэй байна. Тодруулбал, А-80 авто бензин 20 хоног, АИ-92 авто бензин 23 хоног, АИ-95 авто бензин 15 хоног, Дизель түлш 24 хоногийн ердийн хэрэглээтэй тэнцэх үлдэгдэл, нөөцтэй байгаа талаар Ашигт малтмал, газрын тосны газраас мэдээллээ.
Үлдэгдлийн хэмжээгээр нь авч үзвэл,
- А-80 авто бензин 3,375 тонн
- АИ-92 авто бензин 28,541 тонн
- АИ-95 авто бензин 2,005 тонн
- Дизель түлш 58,824 тонн үлдэгдэлтэй байна.
2023 оны нэгдүгээр сарын 1-ний өдрөөс аравдугаар сарын 17-ны өдөр хүртэлх хугацаанд нийт 1,894.1 мянган тонн газрын тосны бүтээгдэхүүн импортолсон байна. Үүнээс
- А-80 авто бензин 20.5 мянган тонн
- АИ-92 авто бензин 538.4 мянган тонн
- АИ-95/98 авто бензин 13.3 мянган тонн
- Дизель түлш 1,044.8 мянган тонн
- ТС-1 /онгоцны түлш/ 44.3 мянган тонн
- Жет А-1 түлш 35.6 мянган тонн бусад бүтээгдэхүүн 196.9 мянган тонн газрын тосны бүтээгдэхүүнийг тус тус импортолжээ.
