Өөрөө үйлдээгүй, хүн амины гурван хэрэгт буруутгагдан 42 жил шоронд суусан америк эр интернэтээр дамжуулан 1.5 сая доллар цуглуулжээ. Өдгөө 62 настай Кевин Стрикланд Миссури муж улсын шоронгоос суллагдсан байна. Тэрбээр 1979 онд 18 настай байхдаа бүх насаар нь хорих ял шийтгүүлсэн бөгөөд тус муж улсын түүхэнд хамгийн удаан хугацаанд шударга бусаар шийтгэгдсэн нэгэн болсон гэнэ. Өнгөрсөн оны зургадугаар сард Жексон дүүргийн прокурор Жан Питерс Бейкер нотлох баримт дутуу байсан тул шүүхээс түүний хэргийг хянан үзэхийг хүсжээ. Хуулийн дагуу хуучин хоригдлуудад нөхөн олговор олгохыг зөвхөн Стрикландын хэрэг шиг гэрчийн мэдүүлэг бус, ДНХ-ийн шинжилгээгээр цагаатгасан тохиолдолд л зөвшөөрдөг. К.Стрикландын өмгөөлөгч түүнийг шоронгоос суллагдсаны дараах зардалд нь туслах зорилгоор хандивын аян зарласанд 27 мянга гаруй хүн оролцсон байна.
Өсвөр насны Кевин Стрикланд аавтайгаа
