Боловсролын сайдын тушаалаар 2024-2025 оны хичээлийн жилээс эхлэн гурван улиралтай болгосон. Одоо I улирлын амралт дуусах гэж байна. II улиралд сурагчдын хичээл эхлэх, амрах хугацаа хот орон нутгийн амралт өөр өөр байгаа.
Орон нутгийн ерөнхий боловсролын сургуулиудын II улирлын хичээл нэгдүгээр сарын 20-нд эхэлнэ. Харин нийслэлийн ерөнхий боловсролын сургуулиудын II улирлын хичээл нэгдүгээр сарын 27-ноос эхэлнэ.
Орон нутгийн сургуулиудын II улирлын хичээлийг нийслэлийнхээс долоон хоногийн өмнө эхэлж, долоон хоногийн өмнө амраана. Тиймээс амралтын хугацаа нь 15 хоног байх юм. I улирлын амралтын 7 хоногоо II улиралд нөхөж авна гэсэн үг. Малчид, тариаланч, ногоочдын хаврын ажил, мал төллөхтэй холбоотойгоор ийм зохицуулалт хийжээ.
