Омикрон хувилбараар өвчилсөн эсэхийг тогтоох шинжилгээг нэг сая төгрөгөөр хийж буй нь олныг багагүй бухимдуулаад буй. Энэ талаар ЭМЯ-наас тайлбар хийлээ. Тэд “ХӨСҮТ дээр суурилагдсан хувилбарын генийн дарааллыг тогтоох лаборатори нь уг шинжилгээг бүх эерэг сорьцонд хийдэггүй. Олон улсын жишгээр зөөвөрлөгдсөн сэжигтэй сорьцнууд, орон нутаг, дүүргээс ирсэн эерэг сорьцонд түүвэрлэн хийдэг.
Эл шинжилгээ нь ПГУ аппаратнаас өөр, генийн дараалал тогтоох аппарат дээр үе шаттай хийгддэг болно. Энэхүү шинжилгээний урвалж бодисын үнээс шалтгаалан нэг шинжилгээ нь 1 сая орчим төгрөгний өртөгтэй байгаа” гэжээ.
