Ерөнхий сайд Л.Оюун-Эрдэнэ Олон улсын хямралт нөхцөл байдлаас үүдэлтэй гол нэр төрлийн бараа бүтээгдэхүүний үнийн өсөлт, хомсдолоос сэргийлэх, нөлөөллийг бууруулах тухай хуулийн төслийг УИХ-ын дарга Г.Занданшатарт өнөөдөр өргөн барьсан. Тэрбээр хуулийн төслийг өргөн барьсныхаа дараа танхимын гишүүдийнхээ хамт хэвлэлийн хурал хийж, сэтгүүлчдийн асуултад хариулав.
Мөн энэ үеэр Ерөнхий сайд Л.Оюун-Эрдэнэ хэлэхдээ, “Цаашид “Эрдэнэс Монгол” ХХК-тай холбоотой асуудлыг цэгцэлнэ. Олон охин компаниуд бий. Тэнд хяналтгүй маш их хэмжээний мөнгө эргэлдэж байна. Нүүрсний далд бизнесийг цэцэглүүлсэн бүлэглэлтэй тэмцэнэ” хэмээв.
