Гадаад харилцааны дэд сайд Б.Мөнхжин АНУ-ын Төрийн департаментын Туслах Төрийн нарийн бичгийн даргын орлогч Марк Ламбертыг Гадаад харилцааны яаманд өнөөдөр хүлээн авч уулзав.
Дэд сайд Б.Мөнхжин Монгол Улс, АНУ дипломат харилцаа тогтоосны 35 жилийн ой энэ жил тохиож буйтай холбогдуулан Монгол Улсын чухал гуравдагч хөрш, АНУ-тай хөгжүүлж буй Стратегийн түншлэлээ гүнзгийрүүлэн өргөжүүлэх, хамтын ажиллагааны бодит өгөөжийг нэмэх нь чухал гэдгийг онцлон тэмдэглэв.
Туслах Төрийн нарийн бичгийн даргын орлогч Марк Ламберт АНУ нь Монгол Улстай хөгжүүлж буй Стратегийн түншлэлийн харилцаанд өндөр ач холбогдол өгдөг болохыг онцлон тэмдэглээд, цаашид хоёр улсын харилцаа, хамтын ажиллагааг бүхий л салбарт өргөжүүлэн хөгжүүлэхийн төлөө байгаагаа илэрхийлэв.
