2022 оны ЭЕШ-д улсын хэмжээнд нийт 36253 шалгуулагч бүртгүүлсэн байна.
Монгол Улсын хэмжээнд их, дээд сургуульд элсэгчдийн сурах ерөнхий чадвар, мэдлэгийн түвшинг тогтоох зорилготой “Элсэлтийн ерөнхий шалгалт”-ын 2022 оны онлайн бүртгэлийг Улаанбаатар хотын цагаар 2 дугаар сарын 14-ний 9.00 цагаас 4 дүгээр сарын 25-ны 18.00 цаг хүртэл eyesh.eec.mn цахим хуудсаар явуулсан юм.
Монгол улсын Засгийн газрын 37 дугаар тогтоолын дагуу эх хэлний боловсролын чанар, хэрэглээ, иргэдийн харилцааны соёл, эх хэлний дархлааны түвшинг сайжруулах зорилготой “Монгол хэл бичгийн шалгалт”-д заавал хамрагдсан байна. Уг шалгалтын босго оноо 400 байхаар тогтоосон. Эхний шалгалтад хамрагдаж чадаагүй болон босго оноонд хүрээгүй шалгуулагчдаас авах давтан шалгалтыг 2022 оны 5 дугаар сарын 7-ны өдөр зохион байгуулна.
Монгол хэл бичгийн шалгалтын суудлын хуваарь 2022 оны 5 дугаар сарын 1-ний өдөр гарна.
