Нийслэлийн 2022 оны төсвийн хөрөнгөөр Баянгол, Баянзүрх, Сонгинохайрхан, Налайх, Хан-Уул дүүргийн нийт 28 цэцэрлэгийн салбар 77 бүлгийн 2310 хүүхдэд шаардлагатай 12 нэр төрлийн 4118 ширхэг тавилга хэрэгслийг хүлээлгэн өглөө.
Тус төсөл, арга хэмжээний захиалагчийн хяналтыг нийслэлийн Боловсролын газраас хэрэгжүүлэн ажиллаж байна. Цэцэрлэгийн хүртээмжийг нэмэгдүүлэх ажлын хүрээнд 2022-2023 оны хичээлийн жилд шинээр байгуулагдаж байгаа төрийн өмчийн цэцэрлэгийн салбар бүлгүүдэд шаардлагатай тавилга хэрэгсэл, тоног төхөөрөмжийг худалдан авах, нийлүүлэх ажил үе шаттай үргэлжилж байна гэж Нийслэлийн боловсролын газраас мэдээллээ.
