Хэлэлцүүлгийг Монгол Улсын Их хурлын дарга Г.Занданшатар нээж үг хэлж, холбогдох яам агентлагийн дарга нар итгэл тавьж хэлэлцүүлэг өрнүүллээ. Сангийн сайд Б.Жавхлан Монгол Улсын Эдийн засгийн нөхцөл байдлын талаар танилцуулж, мэдээлэл өгсөн. Тэрээр “Ковид, дайн зэрэг гадаад хүчин зүйлийн нөлөөллийн дараа эдийн засгийн сэргэлт бий болж байна. 2023 онд эдийн засаг илүү эерэг байх төсөөлөлтэй байгаа” гэлээ. Мөн 2025 оныг дуустал ямар нэгэн өрийн эрсдэл байхгүй дефолт болохгүй гэсэн юм.
Сангийн дэд сайд С.Мөнгөнчимэг “Татварын орчин” сэдвээр мэдээлэл хийсэн. 2023 оны төсөв дээр татварын ямар хөнгөлөлт, чөлөөлөлт, дэмжлэг байгаа талаар онцлон танилцуулсан юм.
Хэлэлцүүлэгт Монголбанк, Санхүүгийн зохицуулах хороо, Үндэсний статистикийн хороо, Үндэсний аудитын газар, Сангийн яам, Эдийн засаг, хөгжлийн яам, Хүнс, хөдөө аж ахуй, хөнгөн үйлдвэрийн яам, Төрийн өмчийн бодлого зохицуулалтын газар, Хөгжлийн банк, Жижиг, дунд үйлдвэрийн газар, Татварын ерөнхий газар зэрэг төрийн байгууллагын удирдлагууд, холбогдох албан тушаалтнууд оролцож байна. Мөн “Эрдэнэс Монгол” ХХК, “Эрдэнэс Тавантолгой” ХК-ийн төлөөлөл, олон улсын байгууллагууд, арилжааны банкууд, ББСБайгууллага, Худалдаа аж үйлдвэрийн танхим, Экспортыг дэмжих төслийн төлөөлөл, эрдэмтэн, судлаачид оролцлоо.
