Дэлхийн уул уурхай, ашигт малтмалын хайгуулын салбарын мэргэжилтнүүдийн тэргүүлэх чуулган PDAC хөрөнгө оруулагчдаас гадна уул уурхай, бизнесийн компаниудын удирдлагаар хүрээгээ тэлэн өргөжиж буйг тус чуулганыг зохион байгуулагчид мэдээлж байна.
Канад улсын хайгуулч, олборлогчдын холбооноос зохион байгуулдаг, уул уурхайн салбарын дэлхийн хамгийн том үйл ажиллагаа болох Олон улсын эрдэс баялгийн хайгуул, олборлолтын ээлжит чуулга уулзалт PDAC (Prospectors and Developers Association of Canada) Канадын Торонто хотноо ирэх сарын 5-8-нд болох гэж байна.
Тус чуулганд Монгол Улс 2006 оноос хойш тасралтгүй оролцож байна. Энэ удаагийн чуулганд УУХҮЯ болон Монголын Уул уурхайн Үндэсний ассоциаци хамтран хөрөнгө оруулалтын өдөрлөг зохион байгуулж, үзэсгэлэнгийн талбай нээн оролцох талаар салбарын яамнаас мэдээллээ.
“PDAC-2023”-аар уул уурхайн 400 компанийн төлөөлөл хөрөнгө оруулалтын боломжийг хэлэлцэнэ.
Түүнчлэн чуулганд УУХҮ-ийн сайд Ж.Ганбаатар, “Xanadu Mines” компанийн олборлолтын дэд ерөнхийлөгч Эндрю Стюарт, “Оюу Толгой” ХХК-ийн гүйцэтгэх захирал Дэйрдрэ Лингенфэлдер нар илтгэл тавих хуваарьтай байна.
“PDAC-2023” чуулганаар уул уурхайн 400 гаруй компанийн төлөөлөл хөрөнгө оруулалтын боломжийг хэлэлцэх юм.
